Charla da profesora da USC e escritora María López Sández

De

O día 17 de abril o alumnado de 1º de Bacharelato A e B asistiu á charla impartida pola profesora de Ciencias de Educación da Universidade de Santiago de Compostela, María López Sández, titulada O nome galego das árbores. Novamente, esta conferencia foi posible grazas á coa colaboración coa Universidade compostelá a través do Programa a Ponte entre o Ensino Medio e a USC e tamén coa participación do equipo da Biblioteca do centro, que nos axudou e cedeu o espazo.

Neste caso López Sández achegounos os seus coñecementos sobre os nomes galegos das árbores, tema que xa abordou na súa tese de doutoramento, na fantástica obra Herbario de Rosalía de Castro, publicada xunto con María Isabel Fraga Díaz e Miguel Fraga Vila e, recentemente, no seu discurso de ingreso na Real Academia Galega baixo o título Onde abrolla o manancial: a paisaxe na raíz do ensaísmo galego. Despois dunha achega xeral á presenza das árbores na nosa literatura, a autora centrou a súa intervención nas flores, árbores e arbustos presentes no conxunto da obra rosaliana, discurso que ilustrou cunhas imaxes moi fermosas. 

Aprendemos moito sobre as nosas árbores e sobre a súa importancia na Literatura galega e dende o EDLG queremos agredecer a María López Sández a súa visita ao IES do Castro e esperamos contar con ela noutras ocasións.

As imaxes que recollemos a seguir ilustran a actividade.


Imaxe 1


Imaxe 2


Imaxe 3: mostra dunha lámina extraída da obra 
O herbario de Rosalía de Castro


Publicacións populares deste blog

Visita á Fundación Penzol e á antiga imprenta de Juan Compañel

De
Imaxe
O alumnado de 1º de Bacharelato A o día 7 xuño, xa coa avaliación rematada, tivo a oportunidade de achegarse á figura do autor homenaxeado o Día das Letras Galegas, Francisco Fernández del Riego, visitando a Biblioteca Penzol, da cal foi director e á cal dedicou moito do seu tempo. A saída estivo organizada polo EDLG e polo Departamento de Lingua galega e literatura e os rapaces e rapazas estiveron acompañadas polas profesoras Susana Paz e Raquel Rodríguez. A visita comezou ás 12:15h da man do seu director, Xosé Manuel Soutullo, un extraordinario guía, que nos recibiu no salón de actos da Casa Galega da Cultura e nos contou a historia da institución e tamén a vinculación cos galeguistas Fermín Penzol e Francisco Fernández del Riego. Unha edición facsimilar do Códice Rico das Cantigas de Santa María , coordinadas por Afonso X, e do Cancioneiro de Ajuda  abriron o percorrido pola institución.  Deseguido, a visita continuou polas bibliotecas Penzol e Fernández del Riego e polo arquivo e a
Read more »

Entrevistas que suman

De
Imaxe
Dende o EDLG intentamos fomentar as actividades de expresión oral e, entre elas, ofrecemos nesta entrada unha pequena mostra da tarefa titulada  Entrevistas que suman . Nela o alumnado de 1º de Bacharelato tivo que realizar unha entrevista a unha persoa próxima (familiar, amigo/a ou coñecido/a) sobre algunha afección, destreza deportiva, traballo etc.) e des pois exercer de xornalista e trasladala ao papel. Ofrecemos a seguir unha pequena mostra. a) Miguel V. Cruz entrevistou a Íñigo de la Quadra-Salcedo . b) Paula P. R. e Tristán C. M. entrevistan a Juan Carlos Castro Salgado, presidente da Asociación Cigarrón de Verín. c) Carla L. P. e Sara V. P. entrevistan a unha marabillosa cociñeira.
Read more »

Celebración do Día das Letras Galegas 2023: Francisco Fernández del Riego

De
Imaxe
Coa finalidade de conmemorar o Día das Letras Galegas deste ano 2023 e achegármonos á figura de Francisco Fernández del Riego, no IES do Castro desenvolvemos unha serie de actividades tanto nos niveis da ESO coma no 1º de Bacharelato. A entrada do instituto acolleu unha montaxe dedicada a Fernández del Riego que se artellou a partir dunha serie de obxectos relacionados coa traxectoria vital e coa obra do autor homenaxeado: unhas lentes, unha lupa, imaxes de lugares representativos na súa vida, fotografías familiares, unha camiseta do Celta, unha pandeireta etc. Estes obxectos foron etiquetados cun código QR coa finalidade de que o alumnado coñecese a vida e obra de Del Riego dun xeito lúdico e dinámico. A realización desta actividade correu a cargo das compañeiras da Biblioteca do centro e do Departemento de Lingua galega e literatura. En colaboración co Departamento de Matemáticas aproveitouse a semana das Letras Galegas para fomentar a lectura da poesía galega situando varios poemas
Read more »