Celebración do Día de Rosalía: 23 de febreiro de 2023

De

O día 23 de febreiro conmemoramos, igual que o curso pasado, o Día de Rosalía con motivo dos cento oitenta e seis anos do seu nacemento. Foi unha xornada festiva na cal colaboraron diferentes departamentos e alumnado de practicamente todos os niveis educativos.

Este ano as actividades estiveron centradas nos versos rosalianos "¡Follas novas!, risa dáme..."  e precisamente foi este lema o utilizado para que os rapaces e as rapazas de 2º de ESO decoraran as siluetas dunhas follas de camelia, carballo e ombú e escribisen nelas un versos extraídos do poemario Follas Novas. Nesta actividade participaron as compañeiras do Departamento de Lingua Galega que imparten estes niveis educativos e dende o EDLG queremos agradecer a súa colaboración e o fomento da creatividade entre o alumnado.

Os grupos de 3º de ESO seleccionaron varios poemas rosalíanos e crearon unhas versións en rap ben xeitosas coa axuda da profesora de Oratoria. Ademais, na exposición que ofrecemos na imaxe participou o alumnado de 1º de Bacharelato de Debuxo artístico, que elaborou unhas estupendas láminas centradas no noso lema deste ano co asesoramento da profesora do Departamento de Educación Plástica e Visual, a quen tamén queremos agradecer a súa participación xunto co equipo da Biblioteca Xosé Sande do noso IES, que se encargou da fantástica exposición de obras da autora máis destacada do Rexurdimento.

Finalmente, a xornada completouse coa lectura de poemas da autora en varias linguas (alemán, inglés, francés, catalán e portugués) da man do alumnado dos cinco grupos de 1º de Bacharelato que temos no centro. A actividade estivo inspirada no proxecto Rosalía é mundial, posto en marcha hai algúns anos pola Fundación Rosalía de Castro e a Universidade de Vigo.


Imaxe 1: Collage coas actividades conmemorativas 
do Día de Rosalía de Castro




Imaxe 2: exemplo das follas decoradas
con versos rosalianos

Publicacións populares deste blog

Visita á Fundación Penzol e á antiga imprenta de Juan Compañel

De
Imaxe
O alumnado de 1º de Bacharelato A o día 7 xuño, xa coa avaliación rematada, tivo a oportunidade de achegarse á figura do autor homenaxeado o Día das Letras Galegas, Francisco Fernández del Riego, visitando a Biblioteca Penzol, da cal foi director e á cal dedicou moito do seu tempo. A saída estivo organizada polo EDLG e polo Departamento de Lingua galega e literatura e os rapaces e rapazas estiveron acompañadas polas profesoras Susana Paz e Raquel Rodríguez. A visita comezou ás 12:15h da man do seu director, Xosé Manuel Soutullo, un extraordinario guía, que nos recibiu no salón de actos da Casa Galega da Cultura e nos contou a historia da institución e tamén a vinculación cos galeguistas Fermín Penzol e Francisco Fernández del Riego. Unha edición facsimilar do Códice Rico das Cantigas de Santa María , coordinadas por Afonso X, e do Cancioneiro de Ajuda  abriron o percorrido pola institución.  Deseguido, a visita continuou polas bibliotecas Penzol e Fernández del Riego e polo arquivo e a
Read more »

Entrevistas que suman

De
Imaxe
Dende o EDLG intentamos fomentar as actividades de expresión oral e, entre elas, ofrecemos nesta entrada unha pequena mostra da tarefa titulada  Entrevistas que suman . Nela o alumnado de 1º de Bacharelato tivo que realizar unha entrevista a unha persoa próxima (familiar, amigo/a ou coñecido/a) sobre algunha afección, destreza deportiva, traballo etc.) e des pois exercer de xornalista e trasladala ao papel. Ofrecemos a seguir unha pequena mostra. a) Miguel V. Cruz entrevistou a Íñigo de la Quadra-Salcedo . b) Paula P. R. e Tristán C. M. entrevistan a Juan Carlos Castro Salgado, presidente da Asociación Cigarrón de Verín. c) Carla L. P. e Sara V. P. entrevistan a unha marabillosa cociñeira.
Read more »

Celebración do Día das Letras Galegas 2023: Francisco Fernández del Riego

De
Imaxe
Coa finalidade de conmemorar o Día das Letras Galegas deste ano 2023 e achegármonos á figura de Francisco Fernández del Riego, no IES do Castro desenvolvemos unha serie de actividades tanto nos niveis da ESO coma no 1º de Bacharelato. A entrada do instituto acolleu unha montaxe dedicada a Fernández del Riego que se artellou a partir dunha serie de obxectos relacionados coa traxectoria vital e coa obra do autor homenaxeado: unhas lentes, unha lupa, imaxes de lugares representativos na súa vida, fotografías familiares, unha camiseta do Celta, unha pandeireta etc. Estes obxectos foron etiquetados cun código QR coa finalidade de que o alumnado coñecese a vida e obra de Del Riego dun xeito lúdico e dinámico. A realización desta actividade correu a cargo das compañeiras da Biblioteca do centro e do Departemento de Lingua galega e literatura. En colaboración co Departamento de Matemáticas aproveitouse a semana das Letras Galegas para fomentar a lectura da poesía galega situando varios poemas
Read more »