Actividade de apadriñamento lector: Nadal 2022

De

Este curso 2022-23 dende o EDLG do IES do Castro puxemos en marcha a colaboración coa Escola de educación infantil Vila Laura (EEI) a través do seu coordinador do Equipo de Dinamización.

O día 19 de decembro o alumnado de 1º de Bacharelato internacional realizou unha actividade de apadriñamento lector cos nenos e nenas da EEI. Coa axuda e asesoramento do profesorado da escola, que nos prestou moitos dos exemplares seleccionados, o alumnado de Bacharelato preparou na clase de Lingua Galega e Literatura a lectura dun conto infantil relacionado coa temática da igualdade e analizou o uso da lingua na literatura infantil. Despois, de xeito individual ou en parellas, leron as obras seleccionadas en todas as clases dos nenos e nenas da escola e puideron interactuar con eles para intercambiar opinións e realizar actividades derivadas da lectura realizada.

A actividade resultou moi positiva para todos e todas nós e como recordo agasallamos ao alumnado da EEI cuns marcapáxinas de madeira realizados manualmente polos e polas integrantes do noso EDLG.

Queremos agradecer ao profesorado do Vila Laura a estupenda acollida e a súa disposición para seguirmos colaborando en futuras actividades.

Deseguido ofrecemos unhas imaxes que ilustran a xornada de lectura.


Imaxe 1


Imaxe 2


Imaxe 3

Imaxe 4

Imaxe 5

Imaxe 6

Imaxe 7


Imaxe 8: 
mostra de marcapáxinas para agasallar 
o alumnado da EEI Vila Laura


Nota: as imaxes do alumnado contan con autorización para a súa publicación.

Publicacións populares deste blog

Visita á Fundación Penzol e á antiga imprenta de Juan Compañel

De
Imaxe
O alumnado de 1º de Bacharelato A o día 7 xuño, xa coa avaliación rematada, tivo a oportunidade de achegarse á figura do autor homenaxeado o Día das Letras Galegas, Francisco Fernández del Riego, visitando a Biblioteca Penzol, da cal foi director e á cal dedicou moito do seu tempo. A saída estivo organizada polo EDLG e polo Departamento de Lingua galega e literatura e os rapaces e rapazas estiveron acompañadas polas profesoras Susana Paz e Raquel Rodríguez. A visita comezou ás 12:15h da man do seu director, Xosé Manuel Soutullo, un extraordinario guía, que nos recibiu no salón de actos da Casa Galega da Cultura e nos contou a historia da institución e tamén a vinculación cos galeguistas Fermín Penzol e Francisco Fernández del Riego. Unha edición facsimilar do Códice Rico das Cantigas de Santa María , coordinadas por Afonso X, e do Cancioneiro de Ajuda  abriron o percorrido pola institución.  Deseguido, a visita continuou polas bibliotecas Penzol e Fernández del Riego e polo arquivo e a
Read more »

Entrevistas que suman

De
Imaxe
Dende o EDLG intentamos fomentar as actividades de expresión oral e, entre elas, ofrecemos nesta entrada unha pequena mostra da tarefa titulada  Entrevistas que suman . Nela o alumnado de 1º de Bacharelato tivo que realizar unha entrevista a unha persoa próxima (familiar, amigo/a ou coñecido/a) sobre algunha afección, destreza deportiva, traballo etc.) e des pois exercer de xornalista e trasladala ao papel. Ofrecemos a seguir unha pequena mostra. a) Miguel V. Cruz entrevistou a Íñigo de la Quadra-Salcedo . b) Paula P. R. e Tristán C. M. entrevistan a Juan Carlos Castro Salgado, presidente da Asociación Cigarrón de Verín. c) Carla L. P. e Sara V. P. entrevistan a unha marabillosa cociñeira.
Read more »

Celebración do Día das Letras Galegas 2023: Francisco Fernández del Riego

De
Imaxe
Coa finalidade de conmemorar o Día das Letras Galegas deste ano 2023 e achegármonos á figura de Francisco Fernández del Riego, no IES do Castro desenvolvemos unha serie de actividades tanto nos niveis da ESO coma no 1º de Bacharelato. A entrada do instituto acolleu unha montaxe dedicada a Fernández del Riego que se artellou a partir dunha serie de obxectos relacionados coa traxectoria vital e coa obra do autor homenaxeado: unhas lentes, unha lupa, imaxes de lugares representativos na súa vida, fotografías familiares, unha camiseta do Celta, unha pandeireta etc. Estes obxectos foron etiquetados cun código QR coa finalidade de que o alumnado coñecese a vida e obra de Del Riego dun xeito lúdico e dinámico. A realización desta actividade correu a cargo das compañeiras da Biblioteca do centro e do Departemento de Lingua galega e literatura. En colaboración co Departamento de Matemáticas aproveitouse a semana das Letras Galegas para fomentar a lectura da poesía galega situando varios poemas
Read more »