Excursión á Illa de San Simón e Santo Antón: 4º ESO

De

O 15 de maio os grupos de 4º de ESO do IES do Castro visitaron a Illa de San Simón e Santo Antón nunha viaxe organizada polos departamentos de Xeografía e Historia, Lingua Galega e Literatura e o EDLG, na que tamén participaron compañeiras dos departamentos de Inglés e Educación Física.

A xornada comezou arredor das 10:00 no peirao de Vigo. Alí as guías da navieira Nabia fixéronnos un percorrido polos lugares e edificios máis senlleiros e déronnos a coñecer as distintas etapas históricas polas que pasou o enclave, dende a época medieval e os seus monxes, pasando polo seu uso como lazareto ata chegar á actualidade, en que é un centro de recuperación da memoria histórica.

As explicacións relacionadas coa batalla de Rande, o ataque de Francis Drake, os trobadores medievais Mendiño e Martín Códax, Xulio Verne, o cemiterio da illa e o campo de concentración que acolleu durante a dictadura franquista ocuparon parte da xornada e servíronnos para coñecer a historia dunha illa que temos moi preto. Pola tarde, despois dun descanso para repoñer forzas, o alumnado participou nunha xincana consistente en buscar polas dúas illas unha serie de preguntas relacionadas coa contorna e, finalmente, ás 16:30h collemos o barco para retornar ao peirao vigués.

A saída resultou moi interesante para o alumando, dado que puido identificar dende as fontes de inspiración dos poetas medievais ata a importancia das decisións históricas, que como no caso da creación do lazareto, determinan o desenvolvemento do porto de Vigo e directamente da propia cidade. Tamén, percibiu a necesaria conservación e respecto de espazos coma este, posto en valor na actualidade por exemplo co seu uso no Festival Sinsal.

Agradecémoslle ao profesor Aníbal U. a información sobre a saída e as imaxes, que son da súa autoría e coas que queremos deixar constancia da saída.


Imaxe 1


Imaxe 2


Imaxe 3

Imaxe 4


Imaxe 5







Publicacións populares deste blog

Visita á Fundación Penzol e á antiga imprenta de Juan Compañel

De
Imaxe
O alumnado de 1º de Bacharelato A o día 7 xuño, xa coa avaliación rematada, tivo a oportunidade de achegarse á figura do autor homenaxeado o Día das Letras Galegas, Francisco Fernández del Riego, visitando a Biblioteca Penzol, da cal foi director e á cal dedicou moito do seu tempo. A saída estivo organizada polo EDLG e polo Departamento de Lingua galega e literatura e os rapaces e rapazas estiveron acompañadas polas profesoras Susana Paz e Raquel Rodríguez. A visita comezou ás 12:15h da man do seu director, Xosé Manuel Soutullo, un extraordinario guía, que nos recibiu no salón de actos da Casa Galega da Cultura e nos contou a historia da institución e tamén a vinculación cos galeguistas Fermín Penzol e Francisco Fernández del Riego. Unha edición facsimilar do Códice Rico das Cantigas de Santa María , coordinadas por Afonso X, e do Cancioneiro de Ajuda  abriron o percorrido pola institución.  Deseguido, a visita continuou polas bibliotecas Penzol e Fernández del Riego e polo arquivo e a
Read more »

Entrevistas que suman

De
Imaxe
Dende o EDLG intentamos fomentar as actividades de expresión oral e, entre elas, ofrecemos nesta entrada unha pequena mostra da tarefa titulada  Entrevistas que suman . Nela o alumnado de 1º de Bacharelato tivo que realizar unha entrevista a unha persoa próxima (familiar, amigo/a ou coñecido/a) sobre algunha afección, destreza deportiva, traballo etc.) e des pois exercer de xornalista e trasladala ao papel. Ofrecemos a seguir unha pequena mostra. a) Miguel V. Cruz entrevistou a Íñigo de la Quadra-Salcedo . b) Paula P. R. e Tristán C. M. entrevistan a Juan Carlos Castro Salgado, presidente da Asociación Cigarrón de Verín. c) Carla L. P. e Sara V. P. entrevistan a unha marabillosa cociñeira.
Read more »

Celebración do Día das Letras Galegas 2023: Francisco Fernández del Riego

De
Imaxe
Coa finalidade de conmemorar o Día das Letras Galegas deste ano 2023 e achegármonos á figura de Francisco Fernández del Riego, no IES do Castro desenvolvemos unha serie de actividades tanto nos niveis da ESO coma no 1º de Bacharelato. A entrada do instituto acolleu unha montaxe dedicada a Fernández del Riego que se artellou a partir dunha serie de obxectos relacionados coa traxectoria vital e coa obra do autor homenaxeado: unhas lentes, unha lupa, imaxes de lugares representativos na súa vida, fotografías familiares, unha camiseta do Celta, unha pandeireta etc. Estes obxectos foron etiquetados cun código QR coa finalidade de que o alumnado coñecese a vida e obra de Del Riego dun xeito lúdico e dinámico. A realización desta actividade correu a cargo das compañeiras da Biblioteca do centro e do Departemento de Lingua galega e literatura. En colaboración co Departamento de Matemáticas aproveitouse a semana das Letras Galegas para fomentar a lectura da poesía galega situando varios poemas
Read more »